ନୂଆବର୍ଷରେ ଏଥର ପୁରୀରେ ରେକର୍ଡ ସଂଖ୍ୟକ ଭକ୍ତ, ରାତିରୁ ଶ୍ରୀଜିୟୁଙ୍କ କଲେ ଦର୍ଶନ

ପୁରୀ: ଚଳିତ ବର୍ଷ ପୁରୀରେ ରେକର୍ଡ ସଂଖ୍ୟକ ଭକ୍ତ ମହାବାହୁଙ୍କୁ ଦର୍ଶନ କରିଛନ୍ତି। ପୂର୍ବ ବର୍ଷର ରେକର୍ଡ ଭାଙ୍ଗି ଏଥର ପ୍ରବଳ ଭକ୍ତଙ୍କ ସମାଗମ ହୋଇଛି। ପୁରୀ ପୋଲିସ ତଥ୍ୟ ଅନୁସାରେ ରାତି ଦୁଇଟାରୁ ଆଜି ଭୋର ପର୍ଯ୍ୟନ୍ତ ପ୍ରାୟ ଏକ ଲକ୍ଷ ଭକ୍ତ ଦର୍ଶନ କରିଛନ୍ତି। ରାତିରୁ ମରିଚିକୋଟ ଛକରୁ ସିଂହଦ୍ବାର ପର୍ଯ୍ୟନ୍ତ ଲମ୍ବା ଲାଇନ ଲାଗି ରହିଥିଲା।

ଚଳିତ ବର୍ଷ ପ୍ରଥମ ଥର ପାଇଁ ନୂଆ ବର୍ଷରେ ରାତି ଗୋଟାଏରୁ ଶ୍ରୀମନ୍ଦିର ଖୋଲାଯାଇଥିଲା। ଭିଡକୁ ଲକ୍ଷ୍ୟ ରଖି ମନ୍ଦିର ପ୍ରଶାସନ ଏଥର ଶ୍ରୀମନ୍ଦିର ରାତି ଦଶଟାକୁ ବନ୍ଦ କରି ରାତି ଗୋଟାଏ ବେଳକୁ ଖୋଲିଥିଲେ। ନୂଆ ବର୍ଷରେ ଠାକୁରଙ୍କୁ ଦର୍ଶନ କରି ନିଜର କାର୍ଯ୍ୟ ଆରମ୍ଭ କରିବା ପାଇଁ ଗତକାଲି ରାତିରୁ ପ୍ରବଳ ଭିଡ ପରିଲକ୍ଷିତ ହୋଇଥିଲା।