ଶ୍ରୀଜିୟୁଙ୍କୁ ପ୍ରାର୍ଥନା କଲେ ଓଡିଶାର ନବନିଯୁକ୍ତ ରାଜ୍ୟପାଳ, ଆସନ୍ତାକାଲି ଶ୍ରୀଲିଙ୍ଗରାଜଙ୍କ ଦର୍ଶନ

ପୁରୀ: ଆଜି ପୁରୀରେ ଶ୍ରୀଜିୟୁଙ୍କୁ ଦର୍ଶନ କରିଛନ୍ତି ଓଡିଶାର ନବନିଯୁକ୍ତ ରାଜ୍ୟପାଳ ରଘୁବର ଦାସ। ସେ ଆଜି ଟ୍ରେନଯୋଗେ ପୁରୀରେ ପହଞ୍ଚିବା ପରେ ତାଙ୍କୁ ପୁରୀ ପ୍ରଶାସନ ତରଫରୁ ସ୍ବାଗତ କରାଯାଇଥିଲା। ଏହାପରେ ସେ ପୁରୀ ରାଜଭବନରେ କିଛି ସମୟ ବିଶ୍ରାମ କରିଥିଲେ।

ଏହାପରେ ସେ ଶ୍ରୀମନ୍ଦିରରେ ଶ୍ରୀଜଗନ୍ନାଥଙ୍କୁ ଦର୍ଶନ କରିଥିଲେ। ଓଡିଶାର ବିକାଶ ଏକମାତ୍ର ଲକ୍ଷ୍ୟ ହେବ ବୋଲି ଉପସ୍ଥିତ ଗଣମାଧ୍ୟମକୁ ସେ କହିଥିଲେ। ଓଡିଶାର ଗରିବ ଏବଂ ନିଷ୍ପେସିତଙ୍କ ଉନ୍ନତି ପାଇଁ ଜଗନ୍ନାଥଙ୍କ ନିକଟରେ ପ୍ରାର୍ଥନା କଲି ବୋଲି ସେ କହିଛନ୍ତି।

ଆଜି ସେ ଭୁବନେଶ୍ବର ରାଜଭବନ ଆସି ସେଠାରେ କେତେକ ବିଶିଷ୍ଠ ବ୍ୟକ୍ତିଙ୍କୁ ସାକ୍ଷାତ କରିବେ। ଏହାପରେ ସେ ଆସନ୍ତାକାଲି ସକାଳେ ପ୍ରଭୃ ଶ୍ରୀ ଲିଙ୍ଗରାଜଙ୍କୁ ଦର୍ଶନ କରିବାର କାର୍ଯ୍ୟକ୍ରମ ରହିଛି। ମଙ୍ଗଳବାର ଦିନ 11ଟା 45 ମିନିଟରେ ସେ ଓଡିଶାର ରାଜ୍ୟପାଳ ଭାବେ ଶପଥ ଗ୍ରହଣ କରିବେ ବୋଲି ରାଜଭବନ ସୁତ୍ରରୁ ଜଣାପଡିଛି।