ମହିଳା ବିଜେପି କର୍ପୋରେଟରଙ୍କୁ ଆକ୍ରମଣ ଅଭିଯୋଗରେ ଥାନାରେ ଏତଲା

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ବ୍ରହ୍ମପୁର ପୌର ନିଗମ ଅନ୍ତର୍ଗତ ୩୭ ଓ ୩୮ ନଂ ୱ।ର୍ଡ ପରିସୀମାକୁ ନେଇ ଲାଗିଥିବା ଦ୍ଵନ୍ଦର ସମାଧାନ ପାଇଁ ପୌର କମିଶନର ଜେ ଶନାଲ୍, ଷ୍ଟାଣ୍ଡିଙ୍ଗ୍ କମିଟି ସଦସ୍ୟ ଓ କର୍ମଚାରୀ ମାନେ ଘଟଣାସ୍ଥଳରେ ପହଞ୍ଚି ସ୍ଥିତ ଅନୁଧ୍ୟାନ କରିବା ସମୟରେ ବିଶ୍ରୁଙ୍ଖଳା ସ୍ରୁଷ୍ଟି ହୋଇଥିଲା। ପରିସ୍ଥିତି ଏହି ଭଳି ହେଲା ବିଜେପି କର୍ପୋରେଟର ବନିତା ସାହୁଙ୍କୁ ଅପରପକ୍ଷ କର୍ପୋରେଟର ସ୍ବର୍ଣ୍ଣ ଲତା ସାବତଙ୍କ ସପକ୍ଷରେ ଆସିଥିବା କିରଣ ସାହୁ ନାମକ ଜଣେ ଠିକାଦାର ଅଶ୍ଳିଳ ଭାଷାରେ ଗାଳିଗୁଲଜ କରିବା ସହ ଆକ୍ରମଣ କରିଥିଲେ। ଯାହା ଫଳରେ କମିଶନର ଜେ ଶନାଲ୍ ହସ୍ତକ୍ଷେପ ପରେ ପରିସ୍ଥିତି ଶାନ୍ତ ପଡିଥିଲା। ପରବର୍ତ୍ତୀ ସମୟରେ ବିଜେପି ଦଳ ପକ୍ଷରୁ ଏକ ଟିମ୍ ମହିଳା କର୍ପୋରେଟର ବନିତା ସାହୁଙ୍କୁ ସାଙ୍ଗରେ ନେଇ ବୈଦ୍ୟନାଥପୁର ଥାନାରେ ଅଭିଯୋଗ ଦାଖଲ କରିଛନ୍ତି।