ରାଜସୁନାଖଳା ପୋଲିସକୁ ମିଳିଲା ବଡ ସଫଳତା: ଚାରି ବାଇକ ସହ ଚୋରି ଗ୍ୟାଙ୍ଗ ଗିରଫ

ରଣପୁର: ନୟାଗଡ ଜିଲ୍ଲା ରାଜସୁନାଖଳା ଫାଣ୍ଡି ପୋଲିସକୁ ମିଳିଛି ବଡ ସଫଳତା। ଚାରୋଟି ମୋଟର ସାଇକଲ ସହ ଚୋରକୁ ଗିରଫ କରିଛି ପୋଲିସ। ଅଭିଯୁକ୍ତର ନାମ ସର୍ବେଶ୍ୱର ବାରିକ, ବାପାଙ୍କ ନାମ ସଂସାରୀ ବାରିକ ବୟସ ୨୪ ବର୍ଷ ହେଇଥିବା ବେଳେ ଗ୍ରାମ ବେଗୁନିଆଁ ନୂଆସାହି ବୋଲି ପୋଲିସ ସୂତ୍ରରୁ ଜଣାପଡିଛି। ଚାରୋଟି ମୋଟର ସାଇକେଲ ମଧ୍ୟରୁ ଗୋଟିଏ ସିଡ଼ି ଡିଲକ୍ସ ମେଟାଲ ରଙ୍ଗ, ଯାହାର ନମ୍ବର ଓଡି-୦୨-ବିଏ-୬୦୮୬ ହେଇଥିବା ବେଳେ ଅନ୍ୟ ତିନୋଟିର ନମ୍ବର ବିହୀନ ବୋଲି ଜଣା ପଡିଛି।

ଏହି ମୋଟର ସାଇକଲ ଗୁଡିକ ରାଜସୁନାଖଳା ଅଞ୍ଚଳରୁ ଚୋରି ହୋଇଥିବା ଜଣାପଡିଛି। ଏହି ରାକେଟକୁ ଧରିବାପାଇଁ ରାଜସୁନାଖଳା ଫାଣ୍ଡି ଅଧିକାରୀ ପ୍ରୀତି ପ୍ରକାଶ ମହାନ୍ତି ବଡ଼ କୌଶଳ କ୍ରମେ ଚୋର କୁ ଧରିବାରେ ସଫଳ ହୋଇଥିଲେ। ଏହାକୁ ନେଇ ଏକ ପ୍ରେସ ମିଟ କରାଯାଇଥିଲା।

ଏହି ପ୍ରେସ ମିଟରେ ଏସ.ଡି.ପି.ଓ ସୁଧାକର ସାହୁ ଓ ରାଜସୁନାଖଳା ପୋଲିସଙ୍କ ମିଳିତ ସହଯୋଗରେ କରିଯାଇଥିଲା। ଆଗାମୀ ଦିନରେ ଆହୁରି ବଡ ଧରଣର କେଶ ଧରିବାପାଇଁ ସଫଳ ହେବେ ବୋଲି ପ୍ରୀତିପ୍ରକାଶ ମହାନ୍ତି ଅଧିକାରୀ ରାଜସୁନାଖଳା ପୋଲିସ କହିଥିଲେ।