ଅଜଣା ଯୁବକଙ୍କ ମୃତ ଦେହ ଉଦ୍ଧାର

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଗୋପାଳପୁର ଥାନା ଅନ୍ତର୍ଗତ ଗୋଳାବନ୍ଧ ମିଲିଟାରୀ କ୍ୟାଣ୍ଟନମେଣ୍ଟ୍ ନିକଟ ହାତୀପାଦୁ ଗ୍ରାମ ନିକଟରେ ଥିବା ଏକ କାଜୁ ଜଙ୍ଗଲରୁ ଜଣେ ଅଚିହ୍ନା ଯୁବକଙ୍କ ଶବକୁ ପୋଲିସ ଉଦ୍ଧାର କରିଛି। ଅଞ୍ଚଳବାସୀ ଉକ୍ତ ଶବକୁ ଦେଖିବା ପରେ ଗୋପାଳପୁର ଥାନାକୁ ଖବର ଦେଇଥିଲେ। ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଶବ ଉଦ୍ଧାର କରି ବ୍ୟବଚ୍ଛେଦ ପାଇଁ ବ୍ରହ୍ମପୁର ବଡ ଡାକ୍ତରଖାନାକୁ ପଠାଇ ତଦନ୍ତ ଆରମ୍ଭ କରିଛି।

ଶବଟି ପ୍ରାୟ ୧୦ ଦିନ ପୁର୍ବର ବୋଲି ପୋଲିସ ଆଶଂକା କରୁଛନ୍ତି। ଯୁବକ ଜଣକ ଏକ କଳା ରଙ୍ଗର ଫୁଲ ପ୍ୟାଣ୍ଟ୍ ପିନ୍ଧିଛି। ଶବ ମିଳିଥିବା ଅଞ୍ଚଳ ଟି ଲଉଡି ଗ୍ରାମ ନିକଟରେ ନିର୍ମାଣାଧୀନ ଆଇଜର କ୍ୟାମ୍ପସ ଅଞ୍ଚଳ ହୋଇଥିବାରୁ କେଉଁ ପରିସ୍ଥିତିରେ କାହାର ଏହି ମ୍ରୁତ ଦେହ ପଡ଼ିଛି ତାହାକୁ ନେଇ ପୋଲିସ ତଦନ୍ତ ଆରମ୍ଭ କରିଛି।