ଗଞ୍ଜାମ: ଗଞ୍ଜାମ ଜିଲ୍ଲା କୋଦଳା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ବିଗିଡ଼ି ଗଲାଣି ସ୍ୱାସ୍ଥ୍ୟସେବା । ନାହି ନାହିଁରେ ଚାଲିଛି ମେଡ଼ିକାଲ, ଡ଼ାକ୍ତର ଅଭାବରୁ ମୁହଁ ଲେଉଟାଉଛି ଗରୀବ । ଏପରିକି ଅନେକ ସମୟରେ ସେବାରୁ ବଂଚିତ ହୋଇ ରୋଗୀ ଜୀବନ ହାରୁଥିବା ଦେଖିବାକୁ ମିଳିଛି । ଏହି ଦୃଶ୍ୟକୁ ଦେଖିଲେ, ଯାହା ଅଜ୍ଞ ଲୋକକୁ ମଧ୍ୟ ଜ୍ଞାନ୍ତ ହୋଇଯିବ । କିଛି ପୁରୁଣା ନର୍ସ କର୍ମଚାରୀକୁ ନେଇ ଏବେ ଚାଲିଛି ସ୍ୱାସ୍ଥ୍ୟସେବା । ଏବେ ପୁରୁଣା କର୍ମଚାରୀ ଓ ଡ଼ାକ୍ତର ଅନ୍ୟତ୍ର ବଦଳି କରିଥିବାରୁ ରୋଗୀ ସେବା ସମ୍ପୂର୍ଣ୍ଣ ଠପ୍ ହୋଇଯାଇଛି । ଏହାର ପ୍ରତିବାଦରେ ଅଂଚଳର ବିକାଶ ମଂଚ ଧାରଣାରେ ବସିଛନ୍ତି । କିନ୍ତୁ ପ୍ରଶାସନର କୋଣସି ଅଧିକାରୀ ଏପର୍ଯ୍ୟନ୍ତ ପହଂଚି ନଥିବା ସହ ହତାଦାର କରିଥିବା ଅଭିଯୋଗ କରିଛନ୍ତି । ତେବେ ପ୍ରଶାସନ ଯଦି ଏଠାରେ ଭଲ ଡ଼ାକ୍ତର ଓ କର୍ମଚାରୀ ନିଯୁକ୍ତି ନକରନ୍ତି ଏହି ମେଡ଼ିକାଲ ଭୁତକୋଠିରେ ପରିଣତ ହେବା ନେଇ ସାଧାରଣ ଲୋକ ମତ ରଖିଛନ୍ତି । ଯଦି ପ୍ରଶାସନ ତୁରନ୍ତ ଦାବିକୁ କାର୍ଯ୍ୟକାରି ନକରନ୍ତି ତେବେ ଆନ୍ଦୋଳନ ରାଜରାସ୍ତାକୁ ଓଲ୍ଲାଇବା ନେଇ ଚେତାବନୀ ଦେଇଛନ୍ତି ।
ଗଞ୍ଜାମ ଜିଲ୍ଲା କୋଦଳା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ବିଗିଡ଼ି ଗଲାଣି ସ୍ୱାସ୍ଥ୍ୟସେବା !
