ବାଲେଶ୍ୱର : ବାଲେଶ୍ୱର ଜିଲ୍ଲା ଅନ୍ତର୍ଗତ ଜଳେଶ୍ୱର ଅବକାରୀ ବିଭାଗ ହାତରେ ପଡ଼ିଛି ଏକ ବ୍ରାଉନ୍ ସୁଗାର ବେପାରୀ । ଆଜି ସକାଳ ପ୍ରାୟ ୭.୩୦ ମିନିଟ୍ ସମୟରେ ଅବକାରୀ ବିଭାଗ ଝାଡ଼େଶ୍ୱରପୁର ମୁସଲିମ୍ ବସ୍ତିର ଗଳିରାସ୍ତାରେ ପେଟ୍ରୋଲିଂ କରୁଥିଲେ । ସେହି ସମୟରେ ପଶ୍ଚିମବଙ୍ଗ ଖଡ଼କପୁର ଟାଉନ୍ ଥାନା ଅନ୍ତର୍ଗତ ଗୋଲବଜାର ଗ୍ରାମର ଅନିଲ୍ ଖଟିକ୍ ନାମକ ଜଣେ ଯୁବକ ଏକ ଜରି ପଲିଥିନ୍ ମଧ୍ୟରେ କିଛି ବ୍ରାଉନ୍ ସୁଗାର ପୁଡ଼ିଆ ନିଜ ପାଖରେ ରଖିଥିଲା । ହଠାତ୍ ଅବକାରୀ ବିଭାଗକୁ ଦେଖି ସେଠାରୁ ଚମ୍ପଟ ମାରିବାକୁ ଚେଷ୍ଟା କରିଥିଲା । ତେବେ ଅବକାରୀ ବିଭାଗ ଗୁଇନ୍ଦା ସୂଚନା ମୁତାବକ ଚଢାଉ କରି ତା’ ପାଖରୁ ୨୩ଗ୍ରାମ୍ ବ୍ରାଉନ୍ ସୁଗାର ଜବତ କରି ଅନିଲକୁ ଗିରଫ କରିଥିଲେ ।
ଅବକାରୀ ବିଭାଗର ଚଢାଉ, ୨୩ ଗ୍ରାମ ବ୍ରାଉନ୍ ସୁଗାର ଜବତ !
