ଆରମ୍ଭ ହେଲା ଯୁକ୍ତ ଦୁଇ ଅନ୍‌ଲାଇନ୍ ଖାତାଦେଖା ଆରମ୍ଭ

ଭୁବନେଶ୍ବର :  ଆଜିଠାରୁ ଯୁକ୍ତ ଦୁଇ ଖାତାଦେଖା ଆରମ୍ଭ ହୋଇଛି । ରାଜ୍ୟର ୩୪ ଟି ଇ-ମୂଲ୍ୟାୟନ କେନ୍ଦ୍ରରେ ଅନ୍‌ଲାଇନ୍‌ରେ ଖାତା ଦେଖାହେଉଛି । ଅନ୍‌ଲାଇନ୍‌ରେ ଦୁଇଟି ପର୍ଯ୍ୟାୟରେ ଖାତା ମୂଲ୍ୟାୟନ କରାଯାଉଛି । ସକାଳ ୭ ଟା ୩୦ରୁ ମଧ୍ୟାହ୍ନ ୧୨ ଟା ୩୦ ଏବଂ ଦିନ ଗୋଟାଏ ତିରିଶ ମିନିଟରୁ ସନ୍ଧ୍ୟା ୬ଟା ୩୦ ଯାଏ ମୂଲ୍ୟାୟନ ଚାଲିବ । ପରେ ଅଫ୍ ଲାଇନ୍ ଖାତା ଦେଖା ନେଇ ବିଜ୍ଞପ୍ତି ପ୍ରକାଶ ପାଇବ ।

କୋଭିଡ଼-୧୯ ଗାଇଡ୍‌ ଲାଇନକୁ ଆଖିରେ ରଖି ମୂଲ୍ୟାୟନକାରୀ ଓ ଜୋନାଲ ଅଧିକାରୀଙ୍କ ସୁରକ୍ଷାକୁ ପ୍ରାଥମିକତା ଦିଆଯାଇଛି । ସଙ୍ଗରୋଧ କେନ୍ଦ୍ର ରହିଥିଲେ ସେଠାରେ ବାରିକେଡ୍‌ କରାଯାଇ ମୂଲ୍ୟାୟନ କେନ୍ଦ୍ରକୁ ପୃଥକୀକରଣ କରାଯାଇଛି। ମୂଲ୍ୟାୟନକାରୀଙ୍କ ଥର୍ମାଲ ସ୍କ୍ରିନିଂ କରାଯିବା ସହ ସାନିଟାଇଜର୍‌ ଉପଲବ୍ଧ କରିବା ଦିଗରେ ସ୍ଥାନୀୟ ମ୍ୟୁନିସିପାଲଟି,ଏନ୍‌ଏସି କିମ୍ବା ସିଡିଏମ୍‌ଓମାନେ ପଦକ୍ଷେପ ନେବାକୁ କୁହାଯାଇଛି। ପ୍ରତିଦିନ ମୂଲ୍ୟାୟନ କେନ୍ଦ୍ର ବିଶୋଧନ ହେବ।