ପୁରୀ ବଡଦାଣ୍ଡ ମାର୍କେଟ ଛକ ଠାରେ ମକ ଡ୍ରିଲ ଅନୁଷ୍ଠିତ

ପୁରୀ: ପୁରୀ ଜିଲ୍ଲାରେ ସମ୍ଭାଵ୍ୟ ଆକ୍ରମଣକୁ ନେଇ ସ୍ୱତନ୍ତ୍ର ମକ ଡ୍ରିଲ କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଅଛି। ପୁରୀ ବଡଦାଣ୍ଡ ମାର୍କେଟ ଛକ ଠାରେ ହଟାତ ଅପରାହ୍ନ ଚାରି ଟା ରେ ସାଇରନ ବାଜି ଉଠିବା କ୍ଷଣି ପୋଲିସ ସମେତ ଏନସିସି ଓ ବିଭିନ୍ନ ସ୍ଵେଚ୍ଛାସେବୀ ଅନୁଷ୍ଠାନର କର୍ମକର୍ତ୍ତା ମାନେ ସାଧାରଣ ଲୋକଙ୍କୁ ସୁରକ୍ଷିତ ସ୍ଥାନକୁ ନେଉଥିବା ଦେଖିବାକୁ ମିଳିଥିଲା। ବିଭିନ୍ନ ଦୋକାନ ଗୁଡିକ ମଧ୍ୟ ସାଇରନ ଶବ୍ଦ ଶୁଣିକରି ବନ୍ଦ କରି ଦେଇଥିଲେ।

ବଡଦାଣ୍ଡ ସମ୍ପୂର୍ଣ୍ଣା ଭାବେ ଲୋକ ଶୂନ୍ୟ ହୋଇପଡ଼ିଥିଲା। ପରେ ଦ୍ଵିତୀୟ ବାର ସାଇରନ ବାଜିଥିବା ବେଳେ ସମସ୍ତେ ସ୍ୱାଭାବିକ ଭାବେ ଚଳପ୍ରଚଳ କରିଥିଲେ। ଏହି ସମୟ ମଧ୍ୟରେ ବୋମା ପଡ଼ିଥିବା କାରଣରୁ ନିଆଁ ଲାଗିଯାଇଥିବା ବେଳେ ତାହାକୁ ନିୟନ୍ତ୍ରଣ ନେଇ ଅଗ୍ନିଶମ ବିଭାଗ କାର୍ଯ୍ୟ କରିଥିଲା।

ସେହିପରି ଆହତ ମାନଙ୍କୁ ସ୍ଵେଚ୍ଛାସେବୀ ମାନେ ଆମ୍ବୁଲାନ୍ସରେ ଚିକିତ୍ସା ପାଇଁ ପଠାଇଥିବା ବେଳେ ଏହି ମକ ଡ୍ରିଲ ସଫଳ ତାର ସହ ଶେଷ ହୋଇଥିଲା। ଏପରି ମକ ଡ୍ରିଲ ସାଧାରଣ ଲୋକ ମାନଙ୍କ ମଧ୍ୟରେ ସମ୍ଭାଵ୍ୟ ଯୁଦ୍ଧ ସମୟରେ କିପରି ନିଜକୁ ନିଜେ ସୁରକ୍ଷା ଦେଇପାରିବେ ସେନେଇ ସଚେତନ ହେବା ସହ ଅନ୍ୟକୁ ମଧ୍ୟ ସାହାଯ୍ୟ କରିପାରିବେ।

ପୁରୀ ଜିଲ୍ଲା ପ୍ରଶାସନ ପକ୍ଷରୁ ଆୟୋଜିତ ଏହି ମୋକ ଡ୍ରିଲ କାର୍ଯ୍ୟକ୍ରମରେ ଜିଲ୍ଲାପାଳ ସିଦ୍ଧାର୍ଥ ଶଙ୍କର ସ୍ୱାଇଁ, ଏସପି ଭିନୀତ ଅଗ୍ରୱାଲ ଓ ଅନ୍ୟାନ୍ୟ ଅଧିକାରୀ ମାନେ ଯୋଗଦାନ କରିଥିଲେ।