ଚିଲିକା ମଝିରେ ପୁଣି ଅଟକିଲା ଭସାପୋଲ, ଅଳ୍ପକେ ବର୍ତ୍ତିଲେ ଯାତ୍ରୀ

ବାଲୁଗାଁ: ଚିଲିକା ମଝିରେ ଅଟକିଲା ଯାତ୍ରୀବାହି ଭସାପୋଲ। ଭସାପୋଲଟି ଜହ୍ନିକୁଦାରୁ ସାତପଡା ଆଭିମୁଖେ ଯାଉଥିଲା। ଭସାପୋଲରେ ୨ଟି ଚାରିଚକିଆ, ୨୦ଟି ମଟୋର ସାଇକେଲ ସମେତ ୪୦ ଜଣ ଲୋକ ଥିବା ଜଣାପଡିଛି।

ସିଡ଼ିଏ ମେକାନିକାଲ କନିଷ୍ଠ ଯନ୍ତ୍ରୀ ବିଶ୍ୱଜିତ ଦାସଙ୍କ ସୂଚନା ମୁତାବକ ଆଜି ଅପରାହ୍ନ ୧.୩୦ ମିନିଟ ସମୟରେ ଭସାପୋଲଟି ଜହ୍ନିକୁଦାରୁ ବାହାରିଥିବା ବେଳେ କିଛି ସମୟ ଅତିକ୍ରମ କଲା ପରେ ଚିଲିକା ଜଳରାଶିରେ ଅଟକାଇଯାଇଥିଲା।

ତେବେ ଭସାପୋଲ ଏସି ପମ୍ପ ଖରାପ ହୋଇଯିବାରୁ ତାହା ଅଟକିଯାଇଥିଲା। ତେବେ କିଛି ସମୟ ପରେ ସିଡ଼ିଏ ପକ୍ଷରୁ ଉଦ୍ଧାରକାରି ଦଳ ପହଞ୍ଚି ଭସାପୋଲକୁ କୂଳକୁ ଆଣିଥିବା କହିଛନ୍ତି ଶ୍ରୀ ଦାସ। ତେବେ ସମସ୍ତ ଯାତ୍ରୀ ସୁରକ୍ଷିତ ଥିବା ଜଣାପଡିଛି।