ଖୋର୍ଦ୍ଧା: ବେଗୁନିଆ ଅବକାରୀ ବିଭାଗର ଚଢ଼ାଉ, ବିପୁଳ ପରିମାଣର ମହୁଲି ପୋଚ ଏବଂ ଦେଶୀ ମଦ ଜବତ

ଖୋର୍ଦ୍ଧା: ଆଜି ଖୋର୍ଦ୍ଧା ଜିଲ୍ଲା ସଦର ଥାନା ଅନ୍ତର୍ଗତ ବରପଦା ଜଙ୍ଗଲ ଅଞ୍ଚଳରେ ବେଗୁନିଆ ଅବକାରୀ ବିଭାଗ ଦ୍ୱାରା ଚଢ଼ାଉ କରାଯାଇଥିଲା। ଉକ୍ତ ଚଢ଼ାଉ ଖୋର୍ଦ୍ଧା ରେଞ୍ଜ ଅବକାରୀ ଇନ୍ସପେକ୍ଟର ସନ୍ତୋଷ ସାହୁ ଏବଂ ବେଗୁନିଆ ଅବକାରୀ ଅଧିକାରୀ ଏନ.ଜେଗିନୀ ରାଓ ଙ୍କ ତତ୍ୱାବଧାନରେ ଚଢ଼ାଉ କରାଯାଇଥିଲା।

ଉକ୍ତ ଚଢ଼ାଉରେ ୪୦୦୦ କେଜି ମହୁଲି ପୋଚ ଏବଂ ୨୨୦ ଲିଟର ଦେଶୀ ମଦ ଜବତ ହୋଇଛି। ଉକ୍ତ ଜବତ ସାମଗ୍ରୀକୁ ଘଟଣାସ୍ଥଳରେ ନଷ୍ଟ କରିଦିଆଯାଇଛି। ତେବେ ଜଙ୍ଗଲ ଫାଇଦା ନେଇ ଅଭିଯୁକ୍ତ ମାନେ ବେଆଇନ ମଦ ଭାଟି ଅଞ୍ଚଳରୁ ଫେରାର ହେବାକୁ ସକ୍ଷମ ହୋଇଯାଇଛନ୍ତି। ଉକ୍ତ ଘଟଣାରେ ଅବକାରୀ ବିଭାଗ ଦୁଇ ଗୋଟି ମାମଲା ରୁଜୁ କରିଥିବା ଜଣାପଡିଛି।