ବେତଝରଣ ଜଙ୍ଗଲରୁ ଗଳିତ ଶବ ଉଦ୍ଧାର, ହତ୍ୟା ସନ୍ଦେହ

କନ୍ଦର୍ପ ବେହେରା
ରେଢାଖୋଲ: ସମ୍ବଲପୁର ଜିଲ୍ଲା ନାକଟିଦେଉଳ ବ୍ଲକ୍ କିସିଣ୍ଡା ଥାନା ବେତଝରଣ ଗ୍ରାମ ନିକଟସ୍ଥ ଜଙ୍ଗଲରୁ ଜନୈକ ବ୍ୟକ୍ତିଙ୍କର ଗଳିତ ଶବ ଉଦ୍ଧାର କରିଛି କିସିଣ୍ଡା ପୋଲିସ୍। ପୋଲିସ୍ ସୂତ୍ରରୁ ପ୍ରକାଶ ଯେ, କିସିଣ୍ଡା ଥାନା ବେତଝରଣ ଗ୍ରାମ ନିକଟସ୍ଥ ଜଙ୍ଗଲରେ ଜଣେ ଅଜଣା ବ୍ୟକ୍ତିର ମୃତ ଦେହ ପଡିଥିବା ପୋଲିସ୍ ଖବର ପାଇଥିଲା। କିସିଣ୍ଡା ପୋଲିସ୍ ଘଟଣା ସ୍ଥଳକୁ ଯାଇ ଅନୁସନ୍ଧାନରୁ ଜାଣିଲା ଯେ, ମୃତକ ଜଣଙ୍କ ନାକଟିଦେଉଳ ଥାନା ସରାପାଲି ଗ୍ରାମର କୁଳମଣୀ ବିଶ୍ବାଳ (୫୦)। ଶବଟି ପଚିସଢି ଯାଇ ଥିବା ପୋଲିସ୍ କହିଛି। ଘଟଣା ସ୍ଥଳକୁ ରେଢାଖୋଲରୁ ଡାକ୍ତର ଯାଇ ଶଵ ବ୍ୟବଚ୍ଛେଦ କରିଥିବା ବେଳେ ବ୍ୟବଚ୍ଛେଦ ରିପୋର୍ଟ ଆସିଲା ପରେ ପ୍ରକୃତ ସତ୍ୟାସତ୍ୟ ଜଣା ପଡିବ ବୋଲି କିସିଣ୍ଡା ଥାନାଧିକାରୀ ଅଞଳୀ କୁମ୍ଭାର ଆମ ପ୍ରତିନିଧିଙ୍କ ଠାରେ ପ୍ରକାଶ କରିଛନ୍ତି।

ମୃତକ ଜଣଙ୍କ ବେଳେ ବେଳେ ବିଭିନ୍ନ ଗ୍ରାମକୁ ଯାଇ ଚୋରୀ କରୁଥିବାରୁ ତାକୁ କେହି ହତ୍ୟା କରିଥାଇପାରେ ବୋଲି ଅଂଚଳରେ ବେଶ୍ ଚର୍ଚ୍ଚା ହେଉଛି। ସେ ପ୍ରାୟତଃ ଜଙ୍ଗଲରେ ରହୁଥିବା ଅଂଚଳବାସୀ ପ୍ରକାଶ କରିଛନ୍ତି। ପାରିପାର୍ଶ୍ବିକ ସ୍ଥିତିରୁ ଯାହା ଅନୁମାନ କରାଯାଉଛି ସେଇ ସ୍ଥାନରେ ଭୋଜି ଭାତ ହୋଇଛି ଏଵଂ କୁଳମଣୀକୁ କେହି ହତ୍ୟା କରି ଫିଙ୍ଗି ଦେଇଥିବା ସନ୍ଦେହ ହେଉଛି ବୋଲି ଚର୍ଚ୍ଚା ହେଉଛି।

ଶବ ବ୍ୟବଚ୍ଛେଦ ରିପୋର୍ଟ ଆସିଲେ ପ୍ରକୃତ ସତ୍ୟାସତ୍ୟ ଉନ୍ମୋଚନ ହେବ ବୋଲି ପୋଲିସ୍ କହିଛି। କିସିଣ୍ଡା ଥାନାରେ ଏକ ମାମଲା ରୁଜୁ ହୋଇ ତଦନ୍ତ ଚାଲିଛି ବୋଲି କିସିଣ୍ଡା ଥାନାଧିକାରୀଣୀ ପ୍ରକାଶ କରିଛନ୍ତି।