ଚିଲିକା ଗସ୍ତରେ ତ୍ରିପୁରା ରାଜ୍ୟପାଳ, କଲେ ମା’ କାଳିଜାଇ ଦର୍ଶନ

ଚିଲିକା (ସୀତାରାମ ଅଗ୍ରୱାଲ): ଆଜି ପୂର୍ବାହ୍ନରେ ତ୍ରିପୁରା ରାଜ୍ୟପାଳ ନାଲୁ ଇନ୍ଦ୍ରସେନ ରେଡ୍ଡୀ ନିଜ ପତ୍ନୀଙ୍କ ସହ ଚିଲିକା ଗସ୍ତରେ ଆସିଛନ୍ତି। ଶ୍ରୀ ରେଡ୍ଡୀଙ୍କ ଓଡିଶାରେ ତିନି ଦିବାସୀୟ ଗସ୍ତର ଆଜି ଶେଷ ଦିବସ ହୋଇଥିବାବେଳେ ଚିଲିକା ହ୍ରଦ ବଡ଼କୁଳ ପାନ୍ଥନିବାସ ରେ ପୂର୍ବାହ୍ନରେ ପହଞ୍ଚିଥିଲେ। ସେଠାରେ ତାଙ୍କୁ ଜିଲ୍ଲା ପ୍ରଶାସନ ପକ୍ଷରୁ ଗାର୍ଡ ଅଫ ଅନର ପ୍ରଦାନ କରାଯାଇଥିଲା।

ଏହାପରେ ରାଜ୍ୟପାଳ ଓଟିଡ଼ିସି ର ସ୍ୱତନ୍ତ୍ର ବୋଟ ଜରିଆରେ ମା’ କାଳିଜାଇ ମନ୍ଦିର ଦର୍ଶନ ପାଇଁ ଯାଇଛନ୍ତି। ଦର୍ଶନ ସାରି ପୁଣି ପାନ୍ଥନିବାସ ଫେରିବେ ଏବଂ ସେଠାରେ ମଧ୍ୟାହ୍ନ ଭୋଜନ ସାରି ଭୁବନେଶ୍ୱର ଓଡିଶା ରାଜଭବନ ଫେରିଯିବାର କାର୍ଯ୍ୟକ୍ରମ ରହିଛି। ଏହି ଅବସରରେ ବାଲୁଗାଁ ଏସଡିପିଓ ଶୁଭ୍ରାଂଶୁ ଶେଖର ମିଶ୍ରଙ୍କ ତତ୍ୱାବଧାନରେ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଥିଲା।