କଂଗ୍ରେସର ରାଜ୍ୟ ନିର୍ବାଚନ କକ୍ଷ ଉପାଧ୍ୟକ୍ଷ ଭାବେ ନିଯୁକ୍ତି ପାଇଲେ ଲଲାଟେନ୍ଦୁ ଶତପଥୀ

ଭୁବନେଶ୍ଵର: ଆଜି ଓଡିଶା ପ୍ରଦେଶ କଂଗ୍ରେସ ପାଇଁ ନିର୍ବାଚନ କକ୍ଷ ଘୋଷଣା କରାଯାଇଛି। ଏଆଇସିସି ତରଫରୁ ବରିଷ୍ଠ ନେତା ପଞ୍ଚାନନ କାନୁନଗୋଙ୍କୁ ଅଧ୍ୟକ୍ଷ ଭାବେ ନିଯୁକ୍ତି ମିଳିଥିବା ବେଳେ ଲଲାଟେନ୍ଦୁ ଶତପଥୀ (ଚିକୁ) ଙ୍କୁ ରାଜ୍ୟ କଂଗ୍ରେସ ନିର୍ବାଚନ ଉପାଧ୍ୟକ୍ଷ ଦାଇତ୍ୱ ଦିଆଯାଇଛି।

ସେହିଭଳି ତରୁଣକାନ୍ତ ମିଶ୍ର, ଜିନେଶ ଦାସ, ପ୍ରକାଶ ମିଶ୍ର, ସଞ୍ଜୟ ତ୍ରିପାଠୀ ଓ ଦିଗନ୍ତ ଦେଙ୍କୁ ସଂଯୋଜକ ଦାୟିତ୍ଵ ମିଳିଛି। ଏନେଇ ଓଡିଶା ପ୍ରଭାରୀ ଡା. ଅଜୟ କୁମାର ଘୋଷଣା କରିଛନ୍ତି।

ଉଲ୍ଲେଖ ଯୋଗ୍ୟ ଯେ, ରାଜ୍ୟ କଂଗ୍ରେସ ନିର୍ବାଚନ ଉପାଧ୍ୟକ୍ଷ ଭାବେ ମନୋନୀତ ହୋଇଥିବା ଲଲାଟେନ୍ଦୁ ଶତପଥୀ ଗତକାଲି କଂଗ୍ରେସରେ ସାମିଲ ହୋଇଥିଲେ। ଏହା ପୂର୍ବରୁ ଲଲାଟେନ୍ଦୁ ଭାରତୀୟ ଜନତା ପାର୍ଟିର ଆଇଟି ଓ ସୋସିଆଲ ମିଡ଼ିଆ କନଭେନର, ରାଜ୍ୟ ଯୁବମୋର୍ଚ୍ଚା ସମ୍ପାଦକ ଓ ମେଡ଼ିଆ ପ୍ୟାନେଲିଷ୍ଟ ଭଳି ଗୁରୁ ଦାଇତ୍ୱ ନିର୍ବାହ କରୁଥିଲେ। କିନ୍ତୁ ୨୦୧୯ ସାଧାରଣ ନିର୍ବାଚନରେ ଦଳ ଉପରେ ଅସନ୍ତୋଷ ହୋଇ ସ୍ଵାଧୀନ ପ୍ରାର୍ଥୀ ଭାବେ ସେ ବିଧାନସଭା ନିର୍ବାଚନ ଲଢିଥିଲେ।

ତେବେ ଲଲାଟେନ୍ଦୁଙ୍କୁ ଆଜି କଂଗ୍ରେସ ପକ୍ଷରୁ ଏକ ବଡ ଦାୟିତ୍ଵ ମିଳିଥିବାରୁ ତାଙ୍କର ପ୍ରଶଂସକମାନେ ଖୁସି ବ୍ୟକ୍ତ କରିଛନ୍ତି।