କୁହୁଡି ରେଳ ଫାଟକ ନିକଟରୁ ନବ ବିବାହିତା ମହିଳାଙ୍କ ମୃତ ଦେହ ଉଦ୍ଧାର: ହତ୍ୟା ଅଭିଯୋଗ ଆଣିଲେ ପରିବାର ଲୋକ

ଟାଙ୍ଗୀ (ସୀତାରାମ ଅଗ୍ରୱାଲ): ଖୋର୍ଦ୍ଧା ରେଳ ଡିଭିଜନ କୁହୁଡି ରେଳ ଫାଟକ ନିକଟରେ ନବ ବିବାହିତା ମହିଳାଙ୍କ ମୃତ ଦେହ ଠାବ ହୋଇଛି। ନବ ବିବାହିତା ମହିଳା ଜଣଙ୍କର ନାମ ମାଣିକ ବେହେରା, ବୟସ ୩୬ ବର୍ଷ। ଘର ସୋରଣ ଟାଙ୍ଗୀ ସାହିରେ ବୋଲି ଜଣାପଡିଛି। ଗତ ୧୮ ତାରିଖରେ ସେହି ସୋରଣ ଗ୍ରାମର ବେଣା ଗାଡ଼ିଆ ଗ୍ରାମର କୁନା ବେହେରାଙ୍କୁ ଭୂଷଣ୍ଡ ପୂରର ମା’ ଉଗ୍ରତାରା ମନ୍ଦିରରେ ମାଣିକ ପ୍ରେମ ବିବାହ କରିଥିଲେ।

କୁନା ବେହେରାଙ୍କ ପରିବାର ଲୋକେ ମାଣିକଙ୍କୁ ହତ୍ୟା କରିବା ପରେ ମୃତ ଦେହକୁ ରେଳ ଲାଇନ ନିକଟରେ ଫିଙ୍ଗି ଦେଇଥିବା ମା’ ଆସାମଣୀ ବେହେରା କୁହୁଡି ଫାଣ୍ଡିରେ
ଅଭିଯୋଗ କରିଛନ୍ତି। ଖବର ପାଇ କୁହୁଡି ଫାଣ୍ଡି ପୋଲିସ ଘଟଣା ସ୍ଥଳରେ ପହଁଚି ତଦନ୍ତ ଆରମ୍ଭ କରିଛି।