ଅସୁସ୍ଥତା ପାଇଁ ମୁଖ୍ୟ ଶାସନ ସଚିବଙ୍କ ସମସ୍ତ କାର୍ଯ୍ୟକ୍ରମ ହେଲା ବାତିଲ

ଭୁବନେଶ୍ବର: ମୁଖ୍ୟ ଶାସନ ସଚିବ ପ୍ରଦୀପ କୁମାର ଜେନାଙ୍କ ଦେହ ଅସୁସ୍ଥତା ପାଇଁ ଆଜି ପାଇଁ ତାଙ୍କର ସମସ୍ତ କାର୍ଯ୍ୟକ୍ରମ ବାତିଲ କରାଯାଇଛି। ଏ ନେଇ ମୁଖ୍ୟ ଶାସନ ସଚିବଙ୍କ କାର୍ଯ୍ୟାଳୟରୁ ସୂଚନା ପ୍ରଦାନ କରାଯାଇଛି।

ଗତକାଲି ପ୍ରଦୀପ ଜେନା ଅସୁସ୍ଥତା ଅନୁଭବ କରିବାରୁ ସେ କ୍ୟାପିଟାଲ ହସପିଟାଲ ଯାଇଥିଲେ। ମୁଖ୍ୟତଃ ଥଣ୍ଡା ଜ୍ବର ହେବାରୁ ସେ ଡାକ୍ତରଙ୍କ ପରାମର୍ଶ ନେଇଥିଲେ। ତେବେ ସେମାନଙ୍କ ପରାମର୍ଶ କ୍ରମେ ଆଜି ସେ ବିଶ୍ରାମ ନେଇଛନ୍ତି। ସେଥିପାଇଁ ତାଙ୍କର କାର୍ଯ୍ୟକ୍ରମକୁ ବାତିଲ କରାଯାଇଛି।