ପ୍ରଦୀପ ପାଣିଗ୍ରାହୀଙ୍କୁ ଭୁବନେଶ୍ବର ଏମସକୁ ସ୍ଥାନାନ୍ତରିତ, ଭୋଟିଂ ବେଳେ ହୋଇଥିଲା ଗଣ୍ଡଗୋଳ

ଭୁବନେଶ୍ବର: ବ୍ରହ୍ମପୁରର ବିଜେପି ଲୋକସଭା ପ୍ରାର୍ଥି ପ୍ରଦୀପ ପାଣିଗ୍ରାହୀଙ୍କୁ ଅଧିକ ଚିକିତ୍ସାପାଇଁ ଭୁବନେଶ୍ବର ଏମସକୁ ସ୍ଥାନାନ୍ତରିତ କରାଯାଇଛି। ତାଙ୍କର ପିଞ୍ଜରାହାଡରେ ମାଡ ହୋଇଥିବାର ଜଣାପଡିଛି। ଗତକାଲି ତାଙ୍କୁ ବ୍ରହ୍ମପୁର ଏମକେସିଜିରେ ଭର୍ତ୍ତି କରାଯାଇଥିଲା। ହେଲେ ସେଠାରୁ ଆଜି ସକାଳେ ତାଙ୍କୁ ଭୁବନେଶ୍ବର ଏମସ ସ୍ଥାନାନ୍ତରିତ କରାଯାଇଛି।

ଗତକାଲି ବ୍ରହ୍ମପୁରର ଗୋସାଣିନୂଆଗାଁରେ ପ୍ରଦୀପ ପାଣିଗ୍ରାହୀ ଏବଂ ସ୍ବାଧୀନ ପ୍ରାର୍ଥୀ ଶିବ ଦାସଙ୍କ ମଧ୍ୟରେ ଧସ୍ତାଧସ୍ତି ହୋଇଥିଲା। ସେଠାରେ ରାତି ସାତଟା ପର୍ଯ୍ୟନ୍ତ ଭୋଟିଂ ଚାଲିଥିବାରୁ ତାହା ତଦାରଖ କରିବା ପାଇଁ ପ୍ରଦୀପ ସେଠାକୁ ଯାଇଥିଲେ। ଏ ନେଇ ଖୋଳତାଡ କରିବାକୁ ଶିବ ପାଣିଗ୍ରାହୀ ଆକ୍ରମଣ କରିଥିବାର ଅଭିଯୋଗ ହୋଇଛି।

ଏହି ଘଟଣା ପରେ ପୋଲିସ ଶିବଙ୍କୁ ସେଠାରୁ କାବୁ କରି ଥାନାକୁ ନେଇଯାଇଥିଲେ। ହେଲେ ରାତିରେ ଶିବ ସମର୍ଥକ ଥାନା ଘେରାଉ କରି ତାଙ୍କୁ ଛାଡିଦେବା ପାଇଁ ଦାବୀ କରିଥିଲେ। ଏହି ଘଟଣା ପରେ ବ୍ରହ୍ମପୁରରେ ଉତ୍ତେଜନା ପ୍ରକାଶ ପାଇଛି।