ବୋରୱେଲ ଭିତରକୁ ଖସିପଡିଲେ ବୃଦ୍ଧା, ବହୁ ପରିଶ୍ରମ କରି ବାହର କରାଗଲା, ହେଲ..

ସୁବର୍ଣ୍ଣପୁର: ପୁଣି ଏକ ବୋରୱେଲ ଭିତରେ ଖସିପଡିବା ଘଟଣା ଆସିଛି। ଏହା ସୁବର୍ଣ୍ଣପୁର ଜିଲ୍ଲାର କଇଁଫୁଲ ଗ୍ରାମରେ ଘଟିଛି। ଜଣେ ବୃଦ୍ଧା ନିଜ ଝିଅଘରକୁ ମା ଆସିଥିବା ବେଳେ ଏହି 20 ଫୁଟିଆ ବୋରୱେଲ ଭିତରକୁ ଖସିପଡିଥିଲେ। ଏହି ଖବର ବହୁ ବିଳମ୍ବରେ ଆସିବା ପରେ ଅଗ୍ନିଶମ କର୍ମଚାରୀ ଏହା ପାଖରେ ଏକ ଗାତ ଖୋଳି ବୃଦ୍ଧାଙ୍କୁ ବାହାର କରିଥିଲେ। ଏହାପରେ ତାଙ୍କୁ ଡାକ୍ତରଖାନାକୁ ନେବା ପରେ ଡାକ୍ତର ମୃତ ଘୋଷଣା କରିଥିଲେ।

ସୂଚନା ଅନୁସାରେ ଦୁଃଖି ନାୟକ ସୁବର୍ଣ୍ଣପୁର ଜିଲ୍ଲାର ଖଲିଆପାଲି ପଞ୍ଚାୟତରେ ଥିବା ଗୋବିନ୍ଦପୁର ଗାଁକୁ ଆସିଥିଲେ। ସେଠାରେ ତାଙ୍କର ଝିଅକୁ ବାହା ଦେଇଛନ୍ତି। ସେ ଝିଅ ଘରୁ ବାହାରି ନିକଟସ୍ଥ ଜଙ୍ଗଲକୁ ଝାଡୁ ତିଆରି ପାଇଁ ବେଣା ଆଣିବାକୁ ଯାଇଥିଲେ। ତାଙ୍କ ଅଜାଣତରେ ସେ ଖୋଳାଯାଇଥିବା ଏକ ପରିତ୍ୟକ୍ତ ବୋରୱେଲ ଭିତରେ ଖସିପଡିଥିଲେ। ସେ ଗତକାଲି ସକାଳୁ ଏହି ଗାତରେ ପଡିଯାଇଥିଲେ, ଯାହା ଆଜି ସକାଳୁ ଜଣାପଡିଥିଲା।